so.. ich bin leider zimli in verzögerig grate mit em blogschriibe aber ich versuech jez das alles wider ufzhole. müend nur chli geduld ha!
ich han so vill geniali sache erläbt dases mer chli schwerfallt alles ufzschriiibe ohni irgendebbis z vergässe.aber da chunt de schono!
Am Fritig 31. Januar simmer nachere zimli astrengende Rückreis am Morge früeh in Posadas acho. S isch vu Saõ Paulo über Rio de Janeiro uf Foz de Iguazu und denn vu det us mit em Nachtbus zrug. Scho währed de ganze Rückreis isch ned ganz klar gsi i wele familie das ich go söll.
Wel währed minere super Reis in Brasilie isch s totale Chaos i mim Rotary Club usbroche. Di ander ustuschschüeleri het gstohle. D Marta (mis erste Gastmami) het sie iglade uf Uruguay id Ferie. Sie sind id Villa vunere Cousine vu de Marta gange. (sogar de Sean Connery isch det mal z bsuech gsi) Und det hed di ander afo stehle.
Denn isch de wo eigentlich verantwortllech für d Ustuschschüeler wär us em Club usträte und denn het erst recht niemert meh gwüsst was mache. Am Endi het mer denn ufteckt, dass di ander a Kleptomanie lidet und sie isch natürli sofort heigschickt worde.
Minere eigentliche zweite Gastfamilie isch gseit worde, dass sie niemer meh müend ufnäh, au wenn sie mich gern ufgnoh hätted. Somit isch mini zweiti Familie usem Spil gsi, aber kein neui debi. Mer hends gseit ich würd zu de Marta zruggoh und dete bis am Endi vu mim Ustusch blibe. Das hetti mer gar ned passt, wel ich mich so fest uf Gastgschwüsterti gfreut han.
Ich bin denn zerst doch mal zu dere zweite familie gange und det hemmer alles organisiert. Di erst Version het so usgseh: ich wechsle no am gliiche Tag is Huus vonere Rotarierin (en älteri dame) und denn am mentig zum Oscar (min ersti Gastpapi).
Das het sich denn grad scho mal gänderet wel mini zweiti Familie mich iglade het mit ihne s Wuchenend in Eldorado, enere Kolonie vu Schwiizer und Dütsche im Interior vu Misiones, zverbringe, well si det Verwandti hend. Die Iladig han ich natürli liebend gern agnoh.
Also hani en tolli und interessanti Ziit in Eldorado verbracht! Und am sunntig mittag hani denn es sms übercho wo drin gstande isch, das si en anderi Familie gfunde hend und ich no am Abig is Huus vu de Counsellerin vum andere Rotary Club ziehne und denn am Donstig zu de neue Familie.
Das isch tatsächlich so abgloffe. Die Familie hend mi super empfange und ich han mi vum erste moment ah bi ihne wohlgfühlt. am Abig hani mit minere zukünftige neue gastschwöster afo schriibe und bin super glücklich gsi. Nur ish denn am Mentig morge woni ufgstande bi d meldig cho, dass si jez en aaanderi neui gastfamilie gfunde hend und ich zu dene gohne. Guet ok bin trurig gsi, han s aber akzeptiert und mi uf di neu situation igstellt.
Die familie het au en tochter im gliiche alter, vudem her hanis ok gfunde und au mit ihre afo schriibe.
Denn am Zistig abig sind di beide zuständige vum rotary cho um mir das ganze z „erchläre“, was aber en zimliche reinfall gsi isch wells mer alles erchlaärt hend, nur de teil ned werum ich jez gnau kei familie meh han. aber egal. mini wichtigsti frag isch gsi öbs jez eeeeendli sicher isch, so wies isch. all hend gseit ja klar, ich bin mer aber ned so sicher gsi bi dere sach.
Am mittwuch hets echt so usgheh gha wie wenns jez feststöchi. Ich bin am nami zu de Rabea (dütschi ustuschschüeleri in posadas) und mer hend welle en schöne namitag zeme verbringe. chum bini 10 minute bi ihre gsi het mis handy glütet: de zueständigi vu mim rotary club, wo mer doch ernsthaft het welle verchaufe dass jez doch wider alles gänderet het. und dasmal isches di drastishsti änderig gsi vu allne. Er het nemli welle, dass de Jordan (holländische ustuschschüeler in posadas) zu de Marta wechslet und ich id familie vum Jordan (det woni 10täg vor brasilie verbracht han). und das sho am nöchste tag.
ich bin komplett usgrastet und has grad no so gschaft de typ ned azschreie am telefon. Wel ich han gwüsst dases im Jordan super gfallt i sinere familie und han ned welle das si jez auno afanged ihnumezshupse und vu huus zu huuus z jage.
drum hani im Jordan grad aglüte. de het no nix vu dem ganze gwüsst gha und isch us allne wolke gheit. zemme hemmer denn beschlosse dases so ned chan wiitergo und mer am Jorge Perez montalvo alütet, em chef vum ganze distrikt. Das han ich denn au grad gmacht und de isch suuuper lieb und top informiert gsi. i hanem d situation ned mal müese erkläre, er het mer fast sofort gseit das er eus verstöchi und dass de jordan i sinere familie sell bliibe ich jez ussueche döfi i weli familie ich möchti. also hani di ersti neui familie usgsuecht.
Am nöchste tag hani denn au scho grad gwechslet und sie sind mich geg de abig i mim provisorische huus cho abhole und hend mich super empfange!
Das isch di besti entscheidig gsi vu mim lebe!!! d Familie isch geniaaaaaaaaal und ich fühle mich pudelwohl und bliibe do bis zum endi vum ustusch! 😀
Jetzt ich nochhinein isch das ganze drama s beste wo mer hetti chönne passiere, wels mich zu dere Familie brocht het.
Soo endlich hanis au nomol gschaft min Blogg wiiterzfüehre!
S Highlight vu eusere Reis isch natürlich Rio de Janeiro gsi. Ich han no nie so en schöni Stadt gseh!! Umgeh vum Meer und de Berge liit Rio ikesslet det und het kei möglichkeit meh zum wachse. Früehner wenn ich a Rio denkt han, denn hani mer en rieesigi Stadt vorgstellt. Das isches aber gar ned. Für Südamerika isches mit 6 Millione Ihwohner gar ned so gross! Defür Wunderschön!
Am erste Tag in RIo simmer früeh ufgstande und sind als allerersts s weltbekannte Maracanã-Fuessballstadion go aluege. Sovil ich weiss isches s grösste Stadion uf de Welt und ganz früsch ufgmöblet worde für d WM.
mer hend vu de oberste sitzplätz, über d Presidänte und Königs-loge, d umkleide kabine vu de Spiler und em Rase mit em Trainrehüsli alles gseh! D WM chan losgoh!!!!!
Nachem Maracanã simmer witer de no vil bekannteri Cristo go aluege!
wunderschöni ussicht über rio vu det obe!!
wie die perfekte turiste simmer vu Turistefalle zu Turistefalle grennt und denn bim Sambodromo vu rio glandet.
und denn no zum abschluss vu dem wunderschöne Tag el „Pão do azucar“
zoberst obe ufem Zuckerberg hemmer de Sunneuntergang gnosse und de Ablick vu Rio uf ois wirke loh!!
De schönst TAg vu mim LEBE!!!
Today we had a wonderful day at Chapada Diamantina!
We left the hotel early in the morning and our group was splitted in two smaller groups. The first group went to Fazenda Pratinha, where they had the chance to do snorkelling in a cave, to go on a Zipline and tio swim in the wonderful waters of Pratinha Cave.
Meanwhile the other group went to Lapa Doce cave and they could walk through this wonderful cave where many brazilian telenovelas where shot. The exchange students had the opportunity to take many pictures and to learn more about the history of Chapada Diamantina.
After lunch group 1 went to Lapa Doce cave and group 2 went to Fazenda Pratinha. We went back to the hotel in the end of the afternoon and found a wonderful dinner waiting for us.
After dinner the exchange students had some free time to enjoy the pool and the game room. Tomorrow we will leave early to visit one of the most famous spots of Chapada Diamantina: Morro do Pai Inácio.
The trip is going very well and everybody is enjoying a lot!
Big Hugs to everybody!!
We arrived yesterday after spending the day in Praia do Forte where we visited the Tamar Project, a project that helps protecting the sea turtles and other animals. Last night we had our Talent Show, it was very funny and everybody loved it!
Today we had a beautiful day in Salvador! We started our day with a visit to the Nosso Senhor do Bomfim church and the exchange students had the chance to buy the famous bracelets from the church.
After that we went to the Modelo Market and everybody bought many souvenirs from Bahía and from the Northeast.
Then we went up the Lacerda Elevator which is one of the main tourist spots of Salvador, and arrived at the historic part of the city. After lunch we visited the San Francisco de Assis church which is the richest church of Brazil because of its amount of gold inside.
The exchange students also had some free time in Pelourinho and they took lots of pictures. We endedthe night watching a beautiful presentation of the „Bale Folclorico da Bahia“, a great cultural spectacle, considered the best show of the trip by most of the exchange students.
Tomorrow we will continue our trip and will arrive in Porto Seguro! We will post more news from there.
Best Regards,
sooo endlich chumi mal wider dezue min Blog wiiterzfüehre!
Min Silvester isch unvergesslich gsi!! ich bin mit zwei anderne Ustuschschüeler vu Frankriich und USA a di riisigi Party imne Club gange. en wuuunderschöni umgebig, direkt überem Fluss und es isch ganz Posadas a dere Party gsi!
en unvergesslichi Nacht!!!!! ❤
D Nici het bi mer übernachdet und mer hend de ganz Tag zeme verbracht!
Ich han ihre Posadas zeigt, mer hend vil gshoppet, de Pool i mim Garte gnosse und no meh gshoppet 😉
Für de Abig hemmer es Znacht inere Pizzeria mit de Exchangers organisiert und ich han denn mis Gastmami ganz schüch gfrogt öb mer id Disco döfed. Zu minere riiiiese überraschig het sie ganz gechillt gseit „Wie chönt ich au nei sege wenns din Geburi isch?“
Drum hani paar Fründe zemetrummlet und mer sind id Disco go fiire!
En wuuuuunderschöne Tag und eine vu de beste Geburtstäg vu mim Läbe! endlich mal im Summer..!!
Chum simmer us de Chacra heicho isch en supergueti Kolegin us Dütschland uf Bsuech cho 😀 Sie wohnt sit churzem in Encarnacion, de Nachbarstadt in Paraguay.
Mit de NIci zeme bini anes Träffe mit allne Exchangers vu Posadas. JEde het es Speziells Esse vu sim Heimatland mitgnoh. De hemmer nomol zeme chli wiehnachte gfiiret und eusi feine Sache gmampfet 😀
Mini süessi „Posadas-Family“ het sogar en Chueche mit Cherzli und emne lutstarche „que los cumplas feliz“ organisiert und mer hend uf min Geburi agstosse! Das ish absolut unerwartet und dorom umso schöner gsi 😀
Eine vu de beste Öbig!!
Zur Info: Chacra übersetzt heisst Buurehof oder Farm.
Mini „Feriefamilie“ het en Cachra. Aber ned mit chüeh oder so. DAs isch es riiiiiesigs grundstück (24ha) mit reinster Wildniss. Wunderschönster Wildniss wie Wald und Flüssli und grusige Fiicher drinn 😛 det findet mer alles! Vu ecklige KAckerlacke (die gits leider au in Posadas), „Chicharas“, tuuusige insekti, bis zu giftige Vipere und Tarantle.
ZUm Glück hani weder en Schlange no en Spinne gseh!
Am 26. simmer id Chacra und hend dete een wunderbar sunnige und heisse Tag verbracht und sind am Obig uf Oberá gange, wel dete d eltere vu mim Gastmami wohned. I dene ihrem huus hemmer gschlofe und sind denn am negste tag nomol id Chacra und denn hei.
Am 25. Dezember isch de ersti Familiewechsel bevorgstande. Leider chli es unschöns Datum, isch aber ned andersch gange.
Also zerst mal d Vorgschicht:
Am 16. Dezember het euse tooooolli Rotaryclub fang bekannt geh dass mer Familie zwüsche Wiehnacht und Neujohr wechsled. Ehr gsend: Argentinischi Organisation. Guet also wechslemer Familie i dere Ziitspanni. Jetzt chunt s Problem: mini früehneri Gastmueter gat am 28. uf Uruguay, sprich ich mues vorher wechsle, well sie spöter als de 7. Januar wider zrugchunt, was de Start vu minere Brasiliereis isch. Zum s Drama zverfolständige gat mini 2. Familie au id Ferie und chunt au spöter zrug. -> Sandra staht ohni Huus do. Schöne Moment.
Zum Glück hemmer en gueti Lösig gfunde und ich han 10 Täg mit minere 3. Familie verbracht 😀
Zu dere Familie: es het mer gar ned passt dasi do here han müesse go. Wel die Ustuschschüeleri wo vor mer do gsi isch het nie use döffe. und i dene 10 Täg sind doch min Geburi und Neujahr dinne gsi. Aber es het mer suuuuuuuuper gfalle!!!! Und usedöffe hani au 😉 mini Statistik: i 10 Täg 3 mal in Usgang. 😛
de ersti Satz vu minere neue Gastmami isch gsi: Aaah so schöööön das du Spanisch redsch!! (di anderi chan fast nüt) Und s Huus voll Lüt: d Gasteltere, en Gastbrüeder (22), und zwei Gastschwöstere (27 & 24). Di beide Mädels sind aber leider nur über d Ferie do. Ich hans super mit allne gha! und zu dene vile Lüt au no 3 Hünd und en Chatz 😀
Unglaublich wie die Ziit raast!! Es isch scho Wiehnachte gsi!!
Min Wiehnachtstag isch jetzt ned grad de best Tag vu dem Johr gsi. Ich han euch alli zimli fest vermisst und zu allem dezue hani au no alles mis Züg müese packe, wel de Familiewechsel churz bevorgstande isch 😦
so schlecht de Tag au gsi isch, de Obig hani mega gnosse!
ich han mit mim Gastvater Oscar, sinere neue Frau, dere ihrem Brüeder mit sinere Familie (die hani vorher no nie gseh gha) und mim Gastbrüeder Alex, woni fang 4 Täg kennt han, Wiehnachte gfiiret. Tönt chli komisch, aber mer hends mega schön gha und ich has riiiiesig gnosse.
Zerstmal zu de Traditione im Allgemeine: In Argentinie fiiret mer eigentli de 25. Dezember als Wiehnachte. Aber mer verastaltet es riesigs Esse am 24. am Obig und wartet denn zeme eigentli bis am 12i wo denn d Wiehnacht afangt und mer astosst. De Obig heisst „noche buena“ (gueti Nacht). Also um Mitternacht stosst mer denn ah, d Gschenkli werded verteilt, es git Füürwärch und normalerwiis gat mer denn in Usgang.
Und so hets au bi eus usgseh;
Mer hend es riesigs Buffet mit ganz verschidnigem typisch argentinischem Esse gha, all hend meh oder weniger tüf is Bier oder Wiiglas gluegt, aber all sind recht lustig druf gsi, mer hend agstosse, sind s Füürwärch go luege und hend Gschenkli verteilt.
Ich han frischfröhlich alles welle probiere wo’s am Buffet geh het und han da au gmacht. Zu mim grosse Schrecke het mer denn irgendwer gseit, chum hani mer es Stückli Fleisch uf de Teller glade gha, dass da Chuehzunge seg.
Min Gsichtsusdruck mues einmalig gsi si.. all hend über mini Reaktion glachet 😀
En Tip: Chuehzunge tönt zimli grusig zum Ässe und das isches au. es isch zimli gummig und scho nur bi de vorstellig was du grad im Muul hesh … wääääh
Egal, ich han mich durekämpft. Neui erfahrige ghöred ja schliesslich dezue! Aber nach dem hani immer gfraget was das da züg gnau isch!!
Und s Fazit vu argentinische Wiehnachte: ich glaub de grössti Teil vu de Bevölkerig endet atrunke oder bsoffe. 😛
sandyinargentina 