Jetzt kenni wider en Schuel meh!
Gester am Nomitag hani mit mienere tolle Franzlehreri inen Kunstschuel döfe go. Jetzt kenned mi au dete wider all haha
Bevor is Poli 9 gange bin, bini chli ufgregt gsi.. wel ich han absolut kei Ahnig gha was mich det erwartet. Mini Lehreri het mer scho vorher gseit gha dases i dere Schuel andersch wird si. Es isch en öffentlichi Schuel, d.h. eher schwirigeri Verhältnis und dezue isch si no bizli usserhalb vum Zentrum, was no meh druf hedütet dases det ned immer so schön isch.
Zu dem dezue hend mer paar Kolege vorher scho gseit „ohh du gasch det here? Aber ned eleige oder?! Passisch bitte uf dich uf!“ Drum bini zimli gspannt gsi, was mich det erwartet!
Ich meine, scho ide „Normal“ isches zimli andersch gsi..
Aber mini Sorge sind absolut für d Chatz gsi! Die Schüeler det sind suuuuper lieb gsi! 😀 Und hend mich eigentli fast besser ufgnoh wie die i de „Normal“ wo mich zerst so komisch und frömd behandlet hend. Isch ja ned schlimm gsi, aber trotzdem komisch. Aber im Poli 9 gar nüt vu dem! Si sind chli schüch gsi, aber hend mich behandlet wie jede anderi au! Das isch mega schön gsi! Eifach wider einisch normal si 😀
Und ich han döfe töpfere 😀 😀
het mich beidruckt wie die det gschaffet hend! A die Schuel gönd eher Schüeler mit ned so vil Möglichkeite oder sötig wo ned id Schuel wend. Und ein spezielli Sach isch, dass si einisch i de Wuche Kunstunterricht hend, wo sie vor allem töpfered.
Ich han gwüsst, dass die Jugendliche ned so begeistereti Schüeler sind, drum hets mi erst recht verwunderet, woni gseh han wie sie bim töpfere alles geh händ! Es isch so schön gsi, zgseh wie sie sich Müeh geh hend und was sie mit dem erreicht händ!
Ehr hätted die Kunstwärk sölle gseh *-* unglaublich schön!!
Bin mer grad blöd vorcho haha all hend genau gwüsst wie mers macht und ich han scho Problem gha es eifachs Tassli ztöpfere :‘) Nach vil Hilf vu allne Siite hanis de aber doch auno gschafft! Glii döfi nomol det here go und mis Werk go amale. Und denn hani mer denkt wili all druf unterschriibe lah, de hani es wunderschöns adenke zum Mitheineh!
Isch en wunderschöni Erfahrig gsi!
sandyinargentina 